Amos 8

আমোচৰ চতুর্থ দর্শন

1প্ৰভু যিহোৱাই, মোক পুণৰ এটা দর্শন দেখুৱালে: তেওঁ মোক এপাচি পকা ফল দেখুৱালে। 2তেওঁ কলে, “আমোচ তুমি কি দেখা পাইছা?” মই কলোঁ, “এপাচি পকা ফল”। তেতিয়া যিহোৱাই মোক কলে,

“মোৰ প্ৰজা ইস্ৰায়েলৰ শেষ সময় উপস্থিত হৈছে:
মই তেওঁলোকক কেতিয়াও পুণৰ ক্ষমা নকৰিম ।
3প্ৰভু যিহোৱাই কৈছে, সেইদিনা ৰাজকীয়-মন্দিৰৰ গানবোৰ বিলাপৰ ধ্বনি হব;
মৰা-শৱ অনেক হব; সেইবোৰ সকলো ঠাইতে পেলোৱা হ’ব। “মনে মনে থাকা!”

4তোমালোক যিসকলে দৰিদ্ৰক ভৰিৰে গছকা আৰু দুখীয়াক নাশ কৰিছা, তোমালোকে এই কথা শুনা।

5তোমালোকে কোৱা যে,

“ন জোনৰ উৎসৱ কেতিয়া শেষ হ’ব,
যাতে আমি পুণৰায় শস্য বিক্রী কৰিব পাৰো?
বিশ্রাম-দিন কেতিয়া শেষ হ’ব,
যাতে আমি বজাৰত ঘেহুঁ বিক্রী কৰিব পাৰো?
আমি ঐফা (জোখা পাত্র) সৰু কৰিম, চেকেল (দাম) বঢ়াম,
আৰু অন্যায়ৰ তুলাচনী ব্যৱহাৰ কৰি প্ৰবঞ্চনা কৰিম।
6ৰূপৰ বিনিময়ত দৰিদ্রক আৰু এযোৰ জোতাৰ বিনিময়ত অভাৱীক কিনি ল’ম।
সাৰি পেলাই দিয়া ঘেহুঁ বিক্রী কৰিম।”

7যাকোবৰ গৌৰৱৰ নামেৰে যিহোৱাই শপত খাই কৈছে, “মই নিশ্চয়ে তেওঁলোকে যি কাৰ্য্যবোৰ কৰিছে, তাৰ এটিকো কেতিয়াও নাপাহৰিম।”

8ইয়াৰ বাবে জানো দেশ নকঁপিব?
তাৰ মাজত বাস কৰা সকলোৱে জানো বিলাপ নকৰিব?
গোটেই দেশখন নীল নদীৰ বন্যাৰ দৰে ওফন্দি উঠিব, অশান্ত হ’ব আৰু পুণৰ নামি যাব,
ঠিক মিচৰৰ নদীখনৰ নিচিনাই হব।

9প্ৰভু যিহোৱাই এই কথা কৈছে:

“সেই দিনা মই দুপৰীয়াতে সূৰ্য্যক অস্ত যাবলৈ দিম,
দুপৰীয়াই পৃথিৱীক অন্ধকাৰ কৰিম।
10মই তোমালোকৰ উৎসৱবোৰ শোকলৈ আৰু
তোমালোকৰ সকলো গান বিলাপলৈ পৰিণত কৰিম;
তোমালোক সকলোৰে কঁকালত শোকবস্ত্রৰ চট পিন্ধাম,
প্ৰত্যেকৰ মূৰ টকলা হ’ব;
একেটি পুত্ৰৰ বিয়োগৰ শোকৰ দৰে মই সেই সময়ক শোকলৈ পৰিণত কৰিম,
আৰু শেষলৈকে এই তিক্ততাৰ দিন চলি থাকিব।

11প্ৰভু যিহোৱাই এই কথা কৈছে:

“চোৱা, এনে দিন আহিছে, যেতিয়া মই দেশৰ মাজলৈ দুর্ভিক্ষ পঠাম;
লোকে তেতিয়া অন্নৰ বাবে ক্ষুধিত অথবা
পানীৰ বাবে তৃষ্ণাতুৰ নহ’ব।
কিন্তু যিহোৱাৰ বাক্য শুনাৰ বাবে আকাল হ’ব ।
12লোকসকলে যিহোৱাৰ বাক্য বিচাৰি মৰু সাগৰৰ পৰা ভূমধ্য সাগৰলৈকে
আৰু উত্তৰৰ পৰা পূবলৈকে ভ্ৰমণ কৰি ইফালে সিফালে ঘূৰি ফুৰিব।
কিন্তু তাক নাপাব ।

13সেই সময়ত সুন্দৰী যুৱতী আৰু সুন্দৰ যুৱকসকল পিয়াহত মূর্চ্ছা যাব।

যিসকলে চমৰিয়াৰ পাপৰ ▼

▼8.14 চমৰিয়াৰ পাপ অর্থাৎ চমৰিয়াৰ মূর্তি

শপত খাই কয়,
‘হে দান, তোমাৰ জীৱন্ত দেৱতাৰ শপত’
নাইবা কয়, ‘বেৰ-চেবাৰ জীৱন্ত দেৱতাৰ শপত’
তেওঁলোক পতিত হব; পুণৰায় কেতিয়াও নুঠিব ।
14